THE KILLER MYSTERY CHAPTER 2

Chapter 2:  “Tumhein bhi marna hoga!”

Aditya ka dil dhadak raha tha jab woh achetan Riya ko god mein liye party ke bhayanak maahol se bahar aaya. Police ki ghoshna ne chaaro aur bhay faila diya tha. Usne usse car mein bithaya aur hospital ki aur bhaaga, raste mein har chhaya usse ek khatre ki tarah lag rahi thi.

Hospital mein ek bhayanak drishya tha. Har jagah ghaayal log the, unki cheekhein vataavaran mein goonj rahi thi. Aditya ne Riya ko doctors ke havaale kiya, uski aankhon mein chinta saaf jhalak rahi thi.

Party sthal par police ne saghan jaanch shuru ki. Aditya ka man shak se bhar gaya. Kaun ho sakta hai ye hatyara? Uske vicharon ko Inspector Mehta ki awaaz ne toda.

“Humein kuch mila hai,” Mehta ne kaha, use ek kone mein le jaate hue. Wahan deewar par khoon se likhi ek darawani sandesh thi: “Main hamesha dekh raha hoon.”

Aditya ko ehsaas hua ki yeh hatyara koi ajanabi nahi tha. Woh koi kareebi hi tha. Shahar mein dar ka maahol tha aur sabki dhadkanein tez ho gayi thi.

Raaton ki neend haraam ho gayi thi. Riya ki sthiti sthir thi lekin Aditya ke man mein dar bana hua tha. Ek raat, party ke photo dekhte hue, ek chehra uski nazar mein aaya. Woh Raj tha, bachpan ka dost jo ab ajanabi ban chuka tha.

Aditya ne Raj ka samna karne ka faisla liya.

Raj ke apartment mein khamoshi chhayi thi. Har kona andhere mein dooba hua tha. Achanak, ek khatkhatane ki awaaz ne Aditya ke kadam rok diye. Ek purani lakdi ki kursi dheere-dheere hil rahi thi, jaise koi adrishya shakti use chala rahi ho. Raj apne kamre mein mila, deewar par ajeebogareeb chitra aur khoon se likhe sandesh.

Raj ki aankhon mein pagalpan ki jhalak thi. Usne achanak Aditya par hamla kiya, uski gardan ko jakad liya aur chillaya, “Tumhein bhi marna hoga!”

Raj ne kyon kaha Aditya tumhen bhi marna hoga.

Coming soon...........